Home News ZUF IN ELECTION A KIGOL LOU DINGA NSCN IM LEH UNC HETSAH

ZUF IN ELECTION A KIGOL LOU DINGA NSCN IM LEH UNC HETSAH

57
0

NT||Local News
Thursday, 04 April 2019

ZUF IN ELECTION A KIGOL LOU DINGA NSCN IM LEH UNC HETSAH

By. Thangmin Touthang
Nitin Thusoh Imphal Correspondent

Zeliangrong mipi hon amao dei leh phasah candidate vote akipeh theina diuva Danpi noia thaneina anei cheh uh ahi toh lhon a Election a NSCN IM leh amah frontal organization United Naga Council (UNC) in kigolna anei lou diuvin Zeliangrong United Front (ZUF) chun gihna thuphon abol taovin ahi.

ZUF Home Secretary James Kamei min’a ZUF thuphon khat in aseina a NSCN IM leh amah frontal organisation UNC in Zelianrong mipi leh lamkai hochu hill based political party candidate vote apeh diuvin hunam a sign bolsah ding tohguon anei uvin hiche hi mipi kivaipoh naleh zalen na Dan toh kituoh lou ahi jeh in agangthei pen a angah diuvin gihna thuphon chun aphongdoh uvin ahi.

Chuleh ZUF hi Zeliangrong mipi, gam leh gou bana thaneina venbitna dinga kisemdoh ahi toh lhona Dan dih loutah a Zeliangrong hochunga natoh umhi Tin leh Haa thuoh’a kidoudal ding ahi tin jong thuphon chun aseibeh.

Nitin Thusoh (Daily News)