Home News WORLD WIDE WEB’ KUM 30 LHING TA

WORLD WIDE WEB’ KUM 30 LHING TA

30
0

By:Jason Mimin Lhoujem
Nitin Thusoh NE Correspondent

British engineer minthang Tim Berners-Lee le Belgian engineer Robert Cailliau in kum 1989-a ana mudoh hon World Wide Web(www)chun janhi chun kum 30 ana lhing tan ahi.

March 12,1989 chun computer scientist Tim Berners -Lee in ‘web’ tia ana kihe minthang,World Wide Web chung thua hin paper ana present in,hiche hi ahung kiphu doh nikho dingin vannoi-in ana hetan ahi.

Tim Berners-Lee hi ‘www’ semdoh dihtah chu ana hin,chule hiche thua imajouse a bulpanna ana pang ahi.A thil mudoh hin leiset khantou jingna lampi tampi semdoh ahung hitou pehin,tuphat vang hin hiche thil pang lou-a khosah ahahsa lheh tan ahi.

Tim Berners-Lee hin European Organization for Nuclear Research(CERN)-a atoh pet in World Wide Web hi ana mudoh ahin,CERN chun 1991 a chu midangin aman thei dingin ana sodoh in ahi.CERN hin 1993 a chu World Wide Web chu ‘free’ a hi thu ana phongdoh tha in ahi.

Berners-Lee in ana man NeXT Computer jong chu web server masa pen ana hitan,Berners-Lee hin 1992 chun web-a lim masa pen jong ana uplaod in ahi.Heche phat lai-a lim ki uplaod jong chu CERN house band,Les Horribles Cernettes lim ana hin ahi.

Nitin Thusoh (Dailynews)