Home News UTLA/UTLF(SK) Group ho Dima Hasao Police in thum man

UTLA/UTLF(SK) Group ho Dima Hasao Police in thum man

88
0

NT Staff Reporter: Lalminsang Singson

Haflong, March 14: Harangajao lah dunga mel-hetlou manchah choi a um e tia thulhut kimuto dungjuiya, March nisim 12, 2019 nikho a chun DYSP HQ Surya Kanta Morang makaina team le OC Harangajao chule APR group in nidan 7 nilhah lam vel a chun alhangsung holna operation ana nei uve.

Hiche operation kineito kilhon a nidan giet(8) pm vel lah a chun New Harangajao lhang sunga inn phabep akichotna a, “United Tribal Liberation Army/United Tribal Liberation Front (SK)” galguhbol, Mi thum chu factory made pistol khat to meichang live 3 pum’a matdoh tha ahi.

Aki mandoh ho hi, Manipur State, Kangpokpi district, Motbung kho akon Haominlien Lhouvum chapa Mangneo Lhouvum(kum 23), Nagaland State a Peren district sunga Inbung kho akon Helsei Chongloi chapa Ngambom Chongloi(kum 24) le Assam State, Dima-Hasao district sunga Lower Bolsol kho akon Henkholam Lhoujem chapa Seimang Lhoujem(34) ahiuve.

Hettha ding khat chu, UTLA hi group chom chom um ahin, UTLA-GHQ, UTLA(J), LTT le UTLA/UTLF(SK) group li tobang a kikehso ahiuvin, UTLA/UTLF (SK) hi Manipur gam sunga Tamenglong district noiya busa ahiuvin, Government to ceasefire a um ahiuve. Aban kholbe na nei thei na dingin Haflong Police Station munna akipelut tai, tin thulhut kimu chun aseije.

Source: Nitin Thusoh