Home News TUNI NIDAN 12 KAH’A TAMENGLONG DISTRICT HOSPITAL A TUI PEH AHI LOUVA...

TUNI NIDAN 12 KAH’A TAMENGLONG DISTRICT HOSPITAL A TUI PEH AHI LOUVA LEH NILHA LANG AKON HOSPITAL KHAH DING

33
0

NT||Local News

Friday, 08 March 2019

TUNI NIDAN 12 KAH’A TAMENGLONG DISTRICT HOSPITAL A TUI PEH AHI LOUVA LEH NILHA LANG AKON HOSPITAL KHAH DING

By. S Thangboi Chongloi

Nitin Thusoh Tamenglong & Jiri Correspondent

Phatsot tah akon avel vel a ngehna kinei PHED leh District Administration in tuni (March 8) sunkim nidan 12 masanga Duigailong muna um Tamenglong District Hospital a PHED leh Duigailong kho hon tui (water) apeh lou uva leh nilha lang akon hospital a tui kining lhing tah’a peh ahi tohkah hospital khah dingin Medical Superintendent Dr. Guidiathiu Kamei chun gihna thuphon ana nei tan ahi.

Tamenglong District Hospital a tui hahsat nahi achesa niphabep masang akon ana kipan tan, khosung miho tui chu akikop pih uvin, hinla vadung ho jong ahung kan phat in tui ahung hahsat toh kilhon in khosung mihon jong tui apeh nom lou phat uva niseh a kimanchah na a apoimoh pen tui a hasatna lentah hung um ahi.

Dr. Guidiathiu Kamei in aseina achun hospital leh doctor leh nurse quarter hoa manchah ding tui hi PHED in vadung khat akon pipe in tui ana lan hinla vadung tui chu akan jeh in Monday nia kon chun tui vat khat cha jong ana umlou ahi tan, PHED leh District Administration koma avel vel a ngehna kinei chu tuni sunkim kah a district hospital a tui peh ahi louva leh alou thei louva hospital chu kikhah ding ahi ati.

Nitin Thusoh (Daily News)