Home News Thingnoi kiloikhom nahon School van alhaisah lou nachung’a DESAM in thuphon nei

Thingnoi kiloikhom nahon School van alhaisah lou nachung’a DESAM in thuphon nei

56
0

Imphal, Jan 9 (ET): Simlai chapang ho ding gelkhohna jal’in daan kal’a kiloikhom nahon School van ho lhai ding akha’u nung lahdoh’u hen tin DESAM Publicity & Propaganda Secretary, Baleshore in temna aneiyin ahi. Chule School authority holeh thingnoi kiloikhomna hokah’a kilungto louna leh kidouna hin simlai chapang ho hatah’a atohkhah ahi. Transporter Association hon jong akiphinnao haisai tauhen tinjong temna anei in ahi. Alhunglhung ding Feb. nisim 11 nikho’a kipat School authority hon jong School ho khah louva nidang bang’a akaijom sah ding uvin temna leh hetsahna jong anei in ahi.

Alangkhat’a tulai jingkah leh nilhang lam’a simlai chapang ho lah leh thah nu-le-pate atam behseh jeh in lamlen’a lhai gari tol hon hahsatna atoh uvin ahi. Traffic anoh behseh jeh in simlai chapang ho jong aphatchan school mun alhung thei tapouvin ahi. Gari ho atam naban’a lamlen pang’a na kitohna thilkeu hojong akise nohphah jeh in mi lamlhah na asuboi dehset in ahi. Hiche toh lhon’a Little Flower School jotna keng’a lamlhahna dia kisem footpath mun’a jong gari workshop leh parking lot akisem nachung’a akisaipi authority in phate’a ahin vettup ding in mipiten temna leh ngehna anei uvin ahi.

Source eimitime