Home News TAMENGLONGA BSNL SERVICES KIKHAH

TAMENGLONGA BSNL SERVICES KIKHAH

27
0

NT||Local News
Thursday, 04 April 2019

TAMENGLONGA BSNL SERVICES KIKHAH

By. S Thangboi Chongloi
Nitin Thusoh Tamenglong & Noney Correspondent

Oinamlong a BTS line aset jeh’a Tuesday jan nidan 10 pm akon Bharat Sanchar Nigam Limited (BSNL), Tamenglong in broadband, mobile networks leh landlines jaona a Service ana khah jeh in district sunga mipi adeh in district headquarter akon kisuoh Niseh Thusoh (Daily News) hon boina lentah atuoh uve tin Nitin Thusoh Correspondent report chun aphongdoh in ahi.

Tamenglong BSNL Ex-change a SDE Tomba Meitei in aseina a Oinamlong a repeater station aset bana Hui nunga thingpuh in Electric HT line asuhset jeh in Generator jong a down tah jeh in alou thei louva Services hi kikhah ahi tin aphongdoh in ahi.

Langkhat a district sung adeh a Niseh Thusoh hohi broadband akon thusoh ho ana lahkhom uh ahi jeh in boina lentah ana suohsah keo hilouvin district sunga mipi leh office phabep a kimanchahna a boina lentah ana suohe tin jong thulhut chun aseibeh.

Nitin Thusoh (Daily News)