Home News Stroke a paralysis natna kijendam

Stroke a paralysis natna kijendam

93
0

Imphal, Feb 9: India sunga thina ha sodoh tampen hi Stoke ahi. India a thina jeh 7.1% tobang hi stroke akon ahi. Stroke hin tahsa langkhat chatmo (Hemiplegia) a alha jin chule paomo(Aphasia) a alhaji e. Hijeng jongle Stroke jui paralysis hi akipattil nidan kah 6 sunga patient ho pinhole interventional Radiology treatment anei manle jendam thei ahi. Thoubal akon hitobang natna nei patient khat Shija Emergency & Trauma Centre munna tahsa langkhat chatmo paralysis in ahung in ahi. Amanu chu akhut le akeng ana chat theipoi. Apao theipon, ading theipon chule lamjong ajotthei poi. Amanu MRI brain chun acute stroke(thisan clots jeh a alhoh sung langa artery kikhahtan) asodoh e. Amanu chu DSA Cathlab munna apet pet in ana kipolut in hiche a chun Interventional Radiology treatment procedure kiti Mechanical Thrombectomy ana chelha e. Alhoh sunga kon blood clot chu surgical lou ahiloule agu ki-at louvin ana kiladoh in chule alhoh sunga thisan supply chu akisempha e. Ajing nikho in paralysis akon adamdoh in chule akhut le keng achaloh sahthei tai. Nikho ni jouvin pao jong apao theitai. Hospital akon apotdoh dinga chun lam jong ajot theitai.

Akisei pinhole Radiology treatment procedure minute 30 kinei chu Dr. Thangjam Gautam Singh, Consultant Neuro Interventional Radiologist, Shija Hospital in ana bol ahi. Amapa hi June 2018 apat tuchan a stroke a dinga Manipur first Mechanical Thrombectomy a kihe ahin, non surgical treatment akon acute stroke natna nei mi 7 hinkho manlutah ahuhdoh ahitai.

Stroke nat hettheina phabep chu apet petna tahsa imutna, mai, khut, tahsa langkhat ahiloule keng a lhasapna, kichehlouna, pao hahsat sahna le houlim hetthem theilouna, thakhat phutna mit khat ahiloule ani a khomu hahsatna, lamjot hahsat sahna, lungvaina, balance mansahna le kihetmattona a lhahsapna ahi.

Source eimitime