Home News Sah-Solam thusoh chom chom lahchom leh velvetna.

Sah-Solam thusoh chom chom lahchom leh velvetna.

110
0

NT||NE News
Sunday, 07 April 2019

Aguongtuoh:
S Thangboi Chongloi & Sarah Singson
Nitin Thusoh NE Senior Staffs Correspondents

● MANIPUR: Ginchah umtah thulhut kimu khat in aseina a janni lha (Saturday jan) nidan 9 pm vel chun Gari 2 a hung mi 10 vel chun Churachandpur Red Cross Lane a Naga People’s Front (NPF) Churachandpur District President S Genlunthang chenna in chu abuluh uvin, HP LaserJet Pro M1136 Multifunction Printer, Canon Multi-Function Printers K10392 leh Plastic Chairs chu ana susie uvin, hinla vangphat umtah in mihem kitongkha aum pon, hinla hiche thu kisut chan hin koi in ipi jeh a agabut ahi het ahi nai pon, hinla tuchung Lok Sabha Election ding toh kimat a thilsoh ahi ding ginmohna lentah aume tin Churachandpur District Nitin Thusoh Correspondent thulhut chun asei.

● MEGHALAYA: Saturday jan chun Meghalaya khopi Shillong Lum Marboh, Rynjah police station huopsung Nongrah muna chenna inkhat a hetman louva mei ahung kah jeh in hiche in a bahara a cheng mi 3 chun vangset umtah in thina ana tuoh uvin ahi, Thilsoh toh kimat a Shillong City Police chief Stephan Rynjah in aseina a mei hi insunga heater switched on a kikoi akon hung kipan ahi ding tahsa aume ati, hinla police in khuolchilna anei in thudih hetdoh hung hitei ding ahi ati.

● ASSAM: All Assam Nurses‘ Association (AANA) in phatsot tah akon ngehna ana nei jing “Same Post, Same Salary’’ leh Staff Nurse Services Rule Published bol dinga ngehna ana nei uchu Government in agangthei pena asuh bulhit louva leh kiphina jatchom chom nei dingin janni Saturday nichun gihna thuphon abol taovin ahi, geldoh thei chu B.Sc nursing degree holders ho salary structure chu dangka 8,700 ahin, hinla General Nursing Midwifery (GNM) ho achu dangka 6,800 ana hi.

● MIZORAM: Tuchug State Assembly Election a boina umlouva ana chelha toh lhon a Mizoram chu Peace State ahi vetsahna ding toh kimat in ahung lhungding Lok Sabha Election ahi Mizoram state sunga polling stations 117 chu Women Polling Stations (numei bouseh vetkolna polling stations) dingin janni chun Mizoram Chief Electoral Officer (CEO) Ashish Kundra chun ana phongdoh tan ahi, hiche polling stations 117 hochu security gei numei hi ding ahi ati, Chuleh tuchung Lok Sabha Election ahi Mizoram in Central and Armed Police Force (CAPF) company 6 bou amanchah ding ahi.

Nitin Thusoh (Daily News)