Home News Rahul Gandhi in ngaman ho dinga ministry semdoh dinga kitep

Rahul Gandhi in ngaman ho dinga ministry semdoh dinga kitep

63
0

By: Donald Lhouvum
Nitin Thusoh NE Correspondent

Congress president Rahul Gandhi chun Lok Sabha election neina a Congress in Governtment ahin poh ahile nga manho dinga ministry chom khat semdoh dinga kitepna ana neijin ahi.

Rahul Gandhi chun Prime Minister Narendra Modi banga abol dohlou ding thua kitepna anei ngailou thu aseiin,a thil boldoh ding bou aseiji thu aseiin ahi.Heche thu hi janhi a Thriparyar a All India Fishermen Congress makaina a National Fishermen Parliament muna ana toukhom nao a asei ahi.

Gandhi chun Congress in government apoh ahile Goods and Services Tax (GST) chedan phung chu semphat dingin jong tepna ana neijin,baijep a tax lah anem thei chana sem a hiding thu jong asei tha’n ahi. Prime Minister Narendra Modi chu gamsunga migenthei ho dinmun le hahsatna atonao-a gelkhohna neilou dan in aseijin,a kaihoi government chu mi hao konkhat in alappi jon ahi tin ana seitha’n ahi.

Nitin Thusoh (Dailynews)