Home News PM Modi Guwahati khopi alhungtoh kilhon’a kiphinna sangtah um

PM Modi Guwahati khopi alhungtoh kilhon’a kiphinna sangtah um

69
0

Guwahati, Feb 8: Tuni nilhah lam nidan 5:30 vel a Prime Minister Modi Guwahati ahunglhun toh lhon in All Assam Students’ Union (AASU) headquarter, Swahid Nyas kom Uzan bazaar a AASU activist aja a sim in lamlen ating uvin, ponlap vom adom uvin, PM Modi kholjin doudalna anei uvin ahi.

Prime Minister Narendra Modi Assam gam a akholjin sung a boina aumlou nading a khopi sung a police hon kigotna sangtah aneiyu ahi. Project chom chom hondohna neiding chule public meeting a PM Modi in houlimna anei nading a police leh department dang dang injong kigotna sangtah anei uvin ahi.

Raj Bhawan che na lamlen tamtah anoh in, AASU activist hon kiphinna abol diu hi police hon alamtin u ahi. City police hon gate akhah uvin, ahin, AASU lamkai hon gate alangkhat a konin ‘Modi kinungle in’, tin asam uvin ahi. Tohgon kisem dungjuiya Modi hi February nisim 8 ni a Guwahati lhung ahi’in, Raj Bhawan che na AASU head office hi ajot pa ding ahi. Modi kholjin doudalna vetsahna a AASU activist hon ponlap vom avetsah uvin ahi.

Assam Urban Development Minister Pijush Hazarika, State Labour and Employment Minister Pallab Lochan Das leh State Education Minister Siddhartha Bhattacharya jong AASU headquarter pam a aum uvin ahi. Alangkhat a BJP activist hojong AASU head office pam a PM lamto ding a akikhom uvin ahi. Thilsoh ho jeh a khopi pumpi a traffic aboiyin ahi.

Hetthei khat chu PM Modi in Northeast gam- Assam, Arunachal Pradesh leh Tripura gam avil ding chule project chom chom hondohna anei ding ahi. Assam gam a BJP toh kiloikhomna vohai a Asom Gana Parishad (AGP) political party honjong CAB douna a ‘mashaal march’ (torch rally) abol uvin ahi.

Assam Governor Jagdish Mukhi in Twitter a Modi lemna thu aseiyin ahi. Modi hi Assam Governor Jagdish Mukhi, Chief Minister Sarbananda Sonowal leh State Finance Minister Himanta Biswa Sarma in Lokpriya Gopinath Bordoloi International (LGBI) Airport a alamto u ahi. MP Ramen Deka, Guwahati, MP Bijoya Chakravarty leh Assam BJP President Ranjeet Kumar Dass jong PM lamto ding a LGBI airport a aum uvin ahi.

Source eimitime