Home Religions PAKAI NANGIN NEILHON PIU HI MIDANG HO SANGA DANG LAM NA KANEI...

PAKAI NANGIN NEILHON PIU HI MIDANG HO SANGA DANG LAM NA KANEI UVE

66
0

SUNDAY SERMONS:58

THUPI: “PAKAI NANGIN NEILHON PIU HI MIDANG HO SANGA DANG LAM NA KANEI UVE”

By:Aldrin khongsai,M.Min.New Delhi-110067

—————————-

THUMAKAI:

Amasan tuni Sunday sermon simkit thei dia um Jeh un hatchung nung Pathen thangvah na peute.
Tunin Pathen in Ami lhentun Isrealte Egypt a sol leh kol a um kaiyu va agapui doh dia
alhahcha akou Mose toh akihou lim na chom cha vekhom kit nutin hiva Kona chun eihon Jong kihil nan neikhom kit leu hen tahsa le lhagaova phat chom na neithei enei thei diu
ikinem uvin ahi.
Pathen in Mose ana tong dia akoulai Jenga Jong mihem hinan kison na le kiletsah na hinkho aneilou dan muchet ahin,hinla eiho vang Pathen lhacha na tong tampi hi akiletsah
in akichih sah in hichun avetsah Chu Pathen natong ahi vanga lhing joulou lamkai tampi enei taove ti phot Chet khat ahi. Hijeh chun anoija point neo khat ana vekhom taote.
—————————

1:MI DANG HO SANGA CHOM NA/ DANG LAMNA HINKHO:(V-16)

Pakai Pathen dihtah a neimite Chu Leiset tahsa hinkho le chon le Khan dol la Jong midang ho sanga danglam na ahilou le jatchom na aneitei diu va lhah ahi.
Ahila tulaiya Christian tampi hi midang ho sanga dang lamna ahilou le jatchom na imacha eneithei pouvin hichun avetsah Chu pengthah dihtah ihinao lhasam ahi jeng dem ti hi
gelkho a kul tah ahi.

Midang chidang Nam dang ho akiti le tahsan ki bang lou ho Hindu Muslim ect kisei na ahi,ama ho toh chon le Khan neh le don sil le Chen Nitin hinkho man dang aki khetna
umlou hel Chu itih kei hi Christian Pathen hing hou Kahi Tia kiletsah thei ihiu ahi dem.
Pathen in Isrealte chu alhon pi laisen koima Nam le jat in gal le tolla suh mang ding thah chih gam ding ati vang un ajou ngai pouvin ahi.hiche Chun avetsah Chu ahile Pathen nei
Nam mite Chu chidang Nam dang ho sanga jatchom na dang lamna hinkho nei uve Tina ahi.

2: PATHEN LUNGLHAI NA MITE CHU ASEI HOU ABOL PEH JING DING AHI(V-17)

Pathen in Mose koma chun kalung lhaina hijeh in nasei chu bolpeh nange anatin ahi. Mose chun Pathen in aum pi Jing diu amelma teuva Kona huhdoh Jing ding le apan Jing diuva ana thum ahin hicheng chun Pathen in Mose chunga alunh lhaijeh in abolpeh soh kei in ahi.
Eiho vang Pathen henga an ngol taona chule (personal devosion)ho nei Jing Jong leuhen tamjo etao nao Pathen in asang poi tithei din mun in muthei in um Jin ahi hiho Chu ahile itaonao ithum nao Pathen lunglhai joulou Tina ahi Mai jeng dem tin kagel kom Jong aum Jin ahi.
Mose Pathen henga taona le athum na Pathen alung lhaijeh chun nasei ho Chu kabol peh ding ahi atin eiho a vang Pathen in isei Cheng seu hi eibol peh pouvin ahi hichun avetsah
Chu dih le bulhing phacham Kim ikisah ji vang uva Pathen mitvet dia Chu lhinglel le lhasam tah ihi na laiyu Tina ahi.

3:PAKAI IN ALHENSA MITE ALAINAT PIA HEPI JING DING AHI(V-19)

Mose thum Cheng Pathen in adonbut in asan peh in hinla khat vang Chu asan peh lou thilkhat aum in hichu ahile Mose chun Pakai maiso amunom Jeh chun hibouseh Chu
Pathen ana nom pon ahi.
Tunikho hin athabeh in kigel kitleu hen dei um Chu ahile Pathen deilhen kahitia tahsan chakhat na kisim tah ahi vanga Pathen lunglhai na hinkho mang nom lou le mang doh
joulou kidimset na laiding ahi.
Pathen in alhensa mite le alunglhaina mite vang Chu adeichanu abolpeh in chukeu hilou in aum pi Jing in avengbit Jing kit in ahi.ahile ipida nangle kei hi edeichan eiki bolepji
louva ahi tah dem?chuti ahile Pathen hemitah a kakigelji vanga Pathen in eihet lou eilhonpi lou/ei umpi lou ahi jeng dem?
————————

THUCHAINA:

Khaiye Pakaiya kasopi kaloijon Cheng tunin nangle kei kikhol kit tahleu hen
ikideitah lheh jeng taovin ahi.chung langa kisei Banga mihem loikhat Chu achihna ahetna kiletsah pi ahilou le atohmun apan mun kiletsah pi tahsan chate lah Jenga Jong umda lou
le bei lou hel ahi.
Naloi nu naloipa Chu nang sanga society le hou langa manchah ahilou man a nang akimang chanu/kimang chapa ham chun musit le hotbol na muneo na hinkho nanei le mitvet in lhing kisan dih kisah Jong le chun Pathen dia vang lhinglel jo le lhasamjo nahi nalaiye.
Houlam kai tampi kiletsah ta nam lamkai tampi kiletsah ta social lamkai tampi kiletsah ta,miching lekha them tampi kiletsah ta,mibol thei tampi kiletsah ta,mivaicha hetna China
neile gou nei jouloute musit le muda Chang gamta ahile miching mibol thei,mihaosa hou lamkai,Nam lamkai social lamkai ho Jong Pathen hing Jing hou hicheh lou hitam.
Mose Chu Pathen hinjing hou Nam lamkai Jong ahin hetna China lama Jong hetna nei ahin tahsa lam social lama Jong chuti ma ahin ahinla amite a din kiletsah na hinkho neikhah pon hijeh chun Pathen in taona jal in alhonpi Jing in midang Nam dangte sanga jatchom na le danglam na hinkho aneiyin uvin ahi.
Hiti ahijeh in tuni koima mimal hinkho Judi boldau tin gam le Nam houbung le khosung veng sung a din kineosah na hinkho le thudih thutah kitah na hinkho le thena hinkho
neicheh leu hen ikidei sah uvin ahi.
Asim jouse Pathen in phatthei naboh Jing tau hen.
Amen:
———————–

By: Aldrin khongsai: