Home News NUPI KHAT IN ACHATE 2 ATHA JOUVA AMA LEH MAH KITHAT...

NUPI KHAT IN ACHATE 2 ATHA JOUVA AMA LEH MAH KITHAT GO

114
0

NT||Local News
Friday, 05 April 2019

NUPI KHAT IN ACHATE 2 ATHA JOUVA AMA LEH MA KITHAT GO

By. Daniel Singson
Nitin Thusoh NE Staff Correspondent

Gal a thuthang a jah dinga jong dei umlou leh kilom lou tah in janhi chun Nagaland Mokokchung district Mekuli khoa cheng nupi khat in achate pasal khat kum 3 bep leh numei kum 1 valbep chu gimnei umtah a ana tha jouva ama leh ma kitha ding ana guong in hinla thi manjep louva huudoh ahi tin Sah-Solam thusoh mangchan Nitin Thusoh Correspondent report chun aseiye.

Gimnei umtah thilsoh hi janhi jingkah nidan 10:30 am vel achu suoh ahin Mokokchung, Mekuli khoa cheng kum 24 bep a upa Yimjunglemla kiti nupi khat in achapa pasal kum 3 bep khat leh achanu kum 1 val bep chu blade a Alol a atpi a athah jouvin ama jong kitha ding ana tin hinla thi manjep louva huudoh in aum in tutu hin Imkongliba Memorial District Hospital Mokokchung a jen in aum in adinmun hi serious lhehe tin correspondent thulhut chun aseiye.

Langkhat a nupi nuhi ipi jeh a hitobang a gimnei umleh dei umlou tah a natoh hi anei ahi het ahi pon, thilsoh chu Mokokchung Police Woman Cell in khuolchilna anei in, hinla hiche thu kisut chan hin khuolchilna thulhut ima aum nai pon ahi.

Nitin Thusoh (Daily News)