Home News NSCN-K in Burma a hem-kham kinoptona kisem akipalkeh poi, tia sei

NSCN-K in Burma a hem-kham kinoptona kisem akipalkeh poi, tia sei

65
0

Guwahati, Feb 8: National Socialist Council of Nagaland-Khaplang (NSCN-K) in Myanmar military hon hem-kham apalkeh e tia ngohna aneiyu hi jouthu ahi, tin aseiyun chule Naga Self-Administered Zone, Sagaing Region a headquarter a kon sorkar sepai hon boina sem louva adalhah diuva tahsanna anei thu jong asei uvin ahi.

NSCN-K headquarter, Taga kho hi Myanmar Army hon alokhum ahitan, Tatmadaw hon achesa January 29 a kon February nisim 5 chan outpost thum leh thingnoi hon abol military training school ni alahpeh u ahitai. Gal manchah phabep jong amat u ahi, tia Commander-in-Chief Office, Defence Service in aseiyin ahi.

NSCN-K hon India sorkar douna galsat a thingnoi ho gamkaiya mun ape e tia ngohna aneiyu ahi’in, chule NSCN-K member 6 leh Kathae thingnoimi 2 jong amat-u ahi. “Kathae leh Assam thingnoimi ho gamkai sung a aume tihi photchen ahi’in, NSCN-K toh akiloikhom nau document jong um ahi. Hiche jeh a NSCN-K in Myanmar sorkar toh achesa April 9, 2012 kum a asem hem-kham apalkeh e tia military in ngohna anei ahi.

U Kyaw Wan Sein, member, NSCN-K Central Executive Committee in The Irrawady thuso a Thursday nikho chun, “Kinoptona akipal keh na ima aumpon, chamna chule hem-kham chejom pi na dinga bol thei chan kibol ahi. Phat sottah lut a kisem tahsanna suhset ding kadei pouve” tin aseiyin ahi. Assam leh Manipur gam a Kathe/Meitei thingnoi ho chungthu aseipon, ahin, gamkaiya group phabep aum’e tihi ada na thu aseipon ahi.

Kikapto na thilsoh ot doh nading a NSCN-K hon headquarter mun a-ot ahi’in, NSCN-K Peace Committee member phabep Taga a aum nalaiyin, ahin, Tatmadaw sepai hon gamkaiya thaneina aneiyu ahi. “Hem-kham um khohsahna akinei jeh a kidouna umlou ahi. Hiche hi Tatmadaw hon ahetthem a anungchon diu tahsan ahi”, ati.

Tatmadaw hon NSCN-K headquarter aphet lhah jouteng chon na ding tohgon aneiye tia thulhut um thu a U Kyaw Wan Sein in hitobang tohgon aum pon, hiche thu a kihouna aumpoi, tin aseiyin ahi. Myanmar gamkai hi thingnoimi hon India douna a aman sah louding hi Tatmadaw in pan alah ahi. February nisim 3 ni a Army chief office thulhut dungjuiya Assam leh Arunachal Pradesh gamgi a India sepai hon National Democratic Front of Bodoland-Sangbijit member 9 kiman ahi’in, amaho hi Myanmar gam a kichuhna achai uva hung kileu ahi, tia kisei ahi.

Tatmadaw hon Tunzang Township, Chin State a ningkum October a MPA (Manipur People’s Army) camp jong anokhum ahi. MPA hi UNLF armed wing get lah a khat ahi. Tatmadaw hon tu kal sung a camp ho anokhum nauva ULFA-I thingnoi khat jong thi ahi.

Source eimitime