Home News NPF NGOHNA CEO NIELKAL

NPF NGOHNA CEO NIELKAL

68
0

By. Jenny Gangte
Nitin Thusoh Imphal Correspondent

II-Outer Manipur Parliamentary Constutincy a Churachandpur district a Assembly Segment 3 Saikot, Singngat leh Churachandpur hoa EVM Churachandpur DC Office a Strong Room’a kikoi chu akihong dohe tia Naga People Front (NPF) in ngohna anei chu Manipur CEO PK Singh in hatah in anielkal in ahi.

Jannia NPF ngohna toh kimat’a CEO in agangthei pen’a thusoh miho akimupi na achun Churachandpur DC Office a Strong Room sunga RO in Scrutiny a amanchah ding document lahdoh na ding in akihong in, hinla strong room kihonna achun dan dungjui a angaikhoh procedures ho kibol a Candidate ho authorised agent ho jaona leh video recording kibol a kihonga document hochu kiladoh ahin, thildih lou akibol aum pon tin CEO chun aphongdoh in ahi.

NPF Manipur Unit President Awangbow Newmai in Churachandpur DC office a strong room chu akihong in EVM Sealed kibol jong chu akihonge tia ngohna nei hi jou thu bul leh bal neilou ahin, strong room chu dan dungjuia angaikhoh jouseh akibol ban’a candidate ho authorised agent ho jaona leh video recording kibol a kihong ahin, hiche ahin sealed kibol EVM chu tongjong akitongkha poi tin jong CEO chu aseibeh.

Chuleh CEO chun Churachandpur DC Office a Strong Room procedures dungjuia akihon dan ho detail report ahin pehlut diuvin RO leh concerned official ho thupeh anei tan ahi.

Langkhat a janni chun ruling BJP candidate Pu Benjamin Mate chun 41-Chandel Assembly Constituency (AC), 42-Tengnoupal A/C, 43-Phungyar A/C, 44-Ukhrul A/C, 45-Chingai A/C, 46-Saikul A/C, 47-Karong A/C, 48-Mao A/C, 49-Tadubi A/C, 50-Kangpokpi A/C leh 51-Saitu A/C a polling station hochu Naga galguh bol NSCN IM hon NPF candidate dingin vote captured ana bol tin Manipur CEO a repoll bol dingin ngehna ana nei tan ahi.

II-Manipur Parliamentary Constituency hi April nisim 11 nia chu vote lhahna ana um ahi, May nisim 23 nileh vote simna umding ahi.

Nitin Thusoh (Daily News)