Home News North East gamkai Sixth Schedule umna a autonomous council ho thaneina peh...

North East gamkai Sixth Schedule umna a autonomous council ho thaneina peh be nading Bill Rajya Sabha a kipodoh

28
0

New Delhi, Feb 9 : Union Home Ministry in Rajya Sabha a Sixth Schedule gamkai ho a um autonomous council 10 a financial leh executive power pehbe nading bill apodoh uve, tin official hon photchenna anei uvin ahi.

Autonomous council hohin tua hi central ministry leh state sorkar in project toh dungjuiya apeh grant ho a kingai ahi. Amendment hi phatsahna aum jouteng Assam, Mizoram leh Tripura gam Sixth Scheduled umna ho a seat hop thum a hop khat hi village leh municipal council a numei ho ding’a kikoi (reserved) ding ahi.

Home Ministry official khat in Constitution (One Hundred and Twenty Fifth Amendment) Bill, 2019 hi February 6 ni a Rajya Sabha a kipodoh ahi, ati. Parliament Upper House a pohdoh ding a kigel lhahna akinei hi House akikhen nung a jong legislation aumjom thei nading ahi. Lok Sabha a akipohdoh a ahileh Bill phat hi Lok Sabha term toh kibang hiding ahijeh ahi”, ati.

Akisei legislation hi kum masa a kiphongdoh ahi’in, CAB thu a Northeast aboi laitah ahi’in, Bill hin Assam, Meghalaya, Tripura leh Mizoram gam a mihem crore khat val atohkhah ding ahi, ati. Bill semphatna kinei dungjuiya hi village council hon sum (economic) dinmun leh social justice akhantou na ding a tohgon asem thei nadiuva thaneina kipeh na ahi’in, hiche hin agriculture, land improvement, land reform kichepi, minor irrigation, water management, animal husbandry, rural electrification, small scale industry leh social forestry jong ahop tha ahi.

Source eimitime