Home News NIA in Congress MLA Yamthong Haokip nei-le-gou matpeh ta

NIA in Congress MLA Yamthong Haokip nei-le-gou matpeh ta

46
0

Imphal, Feb 9(ET): National Investigation Agency (NIA) in Manipur Congress MLA Yamthong Haokip thil le lo lakh 76.7 tobang chu ana matpeh tan ahi.
Haokip hi ningkum August lha sunga chu police ho manchah daan to kitohlouva alahdoh a galguhbol ho apehdoh jeh a ana kiman ahi.
Deccan Herald munna thusoh dungjui in, Gal manchah ho hi galguhbol thingnoi ho lah a state akidoupi theina diuva kihomdoh ahi akiti e.
A case kholna kinei to kilhonna Haokip le ajinu min a um inn jong akiman e tin NIA in aseitha e.
July 30 ningkum a chun agency hon Imphal khopi sunga Mantri Pukhuri munna MLA Yamthong inn a kon 9mm pistol amudoh uvin ahi.
Thingnoi kiloikhomna United Kuki Liberation Front (UKLF) chief Soson Haokip inn a konna jong 9mm pistol NIA hon ana mandoh uve.
Agency in galguhbol mi ko ana man uvin chule police headquarters sunga um, 2nd Manipur Rifles, Imphal a arms kote akon pistol 20 jong mudoh ahi.
2016-17 sung a state police headquarters akon pistol 56 le magazine 58 aki guhdoh jouva Haokip, Saikul Assembly Constituency, Manipur pa hi kiman ahi.
NIA in mi thum- David Hangshing,(KRA chairman), Lhunkhoson Haokip UKLF chairman) le Haokip driver Th Diamong Singh ho chunga January nisim 25 nikho a chun supplementary charge sheet ana filed e.
Ngoh a um mithum ho hi tun judicial custody a aki umsah e.
Manipur government in hiche case hi ningkum March lha a chu NIA henga anapeh doh ahin, state police headquarters akon manchah kiguhdohna a hin national security jong anatpha e tia anasei ahi.

Source Eimitimes