Home News NI NIH SUNG SAH-SOLAM GAMKAIYA HUI LEH GUO UM NALAI

NI NIH SUNG SAH-SOLAM GAMKAIYA HUI LEH GUO UM NALAI

52
0

NT||NE News
Monday, 15 April 2019

By. Jason Mimin Lhoujem & Sarah Singson
Nitin Thusoh NE Staffs Correspondents

Achesa ni nih masanga kon India Sah-Solam gakaiya hui leh guo hat tah in gamkai sung mun phabep ana tohkhah a nei leh gou tamtah ana man bana mihem hinkho gei ana tohkha banjoma ahung lhungding nidan 24 leh 48 sung tichu April nisim 17 geichu Bay of Bengal akon hung kipan huipi (cyclone) leh guo hat tah kithoh in gamkai sung ahin phahkit dingin aume tin skymetweather.com report chun aphongdoh in ahi.

Sunday jingkah nidan 8:30 am vel akon chun Sah-Solam gamkai state chom chom’a hui leh guo kithoh hatah tah ana in janni leh tuni nidan 48 sung chun Meghalaya, Tripura, Assam leh Manipur munphabep a ana lhung in Manipur a tuni chun numei 3 in thina ana tuoh bana chenna in 2000 val langa ana suhset ding tahsan aum in Churachandpur district Kangvai Sub-Division sung seh seh a jong tuni chun chenna inn 1200 val asie tin Kangvai SDO chun District Administration a report ana bol in ahi.

Skymetweather.com report in aseina achun ahung lhungding nidan 24 leh 48 tichu ni kho ni sunga Sah-Solam gamkai adeh in Assam, Meghalaya, Nagaland, Arunachal Pradesh, Manipur, Tripura leh Mizoram ho hui leh guo hatah kithoh in ahin phah tei dingin aume ati.

Chuleh janni leh tuni chun Manipur South district (CCPur) leh Nagaland Southern gamkaiya chenna in tamtah ana suhset bana nidan 24 leh 48 sunga hi Nagaland adeh a Kohima, Longleng, Dimapur, Kiphire, Mokokchung, Phek, Mon, Peren, Tuensang, Zunheboto leh Wokha district ho ahin phah ding dinmun in aum’e tin thulhut chun aseibeh.

Report in aseibehna achun Bay of Bengal akon hung kipan cyclone in Tripura leh akinai pi gamkai ho jong ahin tohkhah tei ding a aum bana hiche cyclone chu Sah-Solam gamkaiya hung kiheilut tei ding ahi ati.

Chuleh Sunday jingkah akon chun gamkaiya mun phabep a guo hattah adeh in Assam Goalpara a guo 8 mm a ana juh bana Arunachal Pradesh a Darrang district Mazbat leh Pasighat mun ho’a 6 mm a guo ana juh bana Meghalaya, Barapani leh Shillong a 26 leh 24 mm a ana jun, chuleh Chetrrapunji a 12 mm a ana jun ahi.

Nitin Thusoh (Daily News)