Home News NE News || INDIA GAMSUNGA LEI SAOPEN ASSAM LE MEGHALAYA KIKAH...

NE News || INDIA GAMSUNGA LEI SAOPEN ASSAM LE MEGHALAYA KIKAH A SEM HIMAI THEI

54
0

By: Tongminlun Singson
Nitin Thusoh NE Correspondent

Assam le Arunachal Pradesh kikah a lei,km 9.1-a sao Bhupen Hazarika Setu chu India gamsunga dinga lei saopen ahin,hijongle Assam le Meghalaya kikah a leithah sem dinga goun jing Dhubri-Phulbari bridge chu Bhupen Hazarika Setu sanga sao jo dinga phondoh ahi.

Ministry of Road Transport and Highways noui-a um,National Highways and Infrastructure Development Corporation Limited(NHIDCL) chun kum li masanga chu hiche tohgoun nahi ana sem in,Dhubri-Phulbari bridge sao lang dinga hi km 19.8 a sao-a sem dinga ana ti ahi.

Dhubri le Phubari hi Brahmaputra kama um gel ahin Bangladesh alonlut masang jep a um ahi.Tua hi luigal khat lang gel gel a um ahin,lampi a kona cheding ahile km 210 langa sao ahi.

Dhubri le Phulbari kikah a cheding dan baipen le gang pen chu Motorboat ahin,Pungkah thum tobang phat alo thou hiin NHIDCL general manager(technical)Manmohan Deol chun ana sei in ahi. Chuhlai le tuilet ji jehin motorboat jong man ngam ahiji dehpon ahi.Lei semna dinga hi dangka crore 5000 ana ki goung tadi in,Northeast Road Network Connectivity Project a Phase 3 noui-a hiche natoh hi chepi hiding ahin,Japan International Cooperation Agency chun loan alahsah ding ahi tin thusoh chun ana seibe in ahi.

Nitin Thusoh (Dailynews)