Home Health NAOVOP PHATLE LOHSOH

NAOVOP PHATLE LOHSOH

43
0

By: Dr. Lalkhawngaihsanga

(apatna hung kilason ahi.)

Keima:Siama Kuki“`

DAMTHEINA MITIN ADIN

janhi vel lahchun nupi khangdong cha khat hi ka koma ahungin ahi.

Aumdan nop asahlou naho chu luchangnat, khosih le lohsoh ti ahin *scrub typhus* danin amale ama akiging mon,
Athusim phatecha kadoh chen jou nungin pasal aneitil ana hidan ahi.

A jun test gabol din kasol ngal in, ahung kile chun kaven ahile pregnancy test positive anahin, naovop pan pan ana hidan ahi.

Numei naovop lai le hin lohsoh ti hi aumnom dehset in, alhangpi in lhathum tobang alut in ahi.

Lohsoh hi naovop ho kimelchihna khat ahin, naovop jouse jakhat laha (70%) vel hin anei tei2 un ahi.

Naovop kipat til le hin hormone chikhat aumin hichu human chorionic gonadotropin (HCG) ahung kisem dohin ahi.

HCG kisem phat laitah le lohsoh ahung umphat akibah jeha hiche HCG hi hung umdoh ahi tin akimun ahi.

Estrogen hormone level san jeh ana himai thei.

Gilpi/sunglang hat lou jeh injong aumthei in,
Lunggimna na neijeha jong umthei ahi akiti kit e.

Sappao in kisei ta maile morning sickness akitin ahi.

Hiche jeha hi jingkah lebou naloh sohding tina aumdehpon, sun ailoule nilhah langa jong aneithei ahi.

Naovop laija lohsoh hi natna ahipon chule naosen hung kijil ding injong kichatna ding aumpoi.

Ann duchat/nehnomlou aneithei ding jehin a nasat khahle kivetsah din aphae………

Aphatna dingin damdoi aumin Good morning tobang hi anehtei din aphae.

In luma jong kivetkol thei ahi.

Nehding anam hat tah2 hoa kon na lohso thei,
na kitim themjep in aphae.

Ann neh twidon akitup angaie.

Anneh pet a twi donlou apha in, naneh jouteng nadon in aphae.

Thil akikang gep, a muinam tiho haneh louvin aphai.

Thing(Ginger) le Champra twi nadon jeha kona nalohso oldom thei ahi.

Tahsa nakichol dam angai e.
Chuteng huitheng laha naum tam chanin apha deh e.

*Hyperemesis Graviderum:*
Hyperemesis Graviderum hi naovop laija lohsoh val tina ahi.

Hitobang nei hodin neh kiti taphot hahsa asaovin, Nehle don hahsa asah jehun Nu-in angaichat nutrients alhasam thei in kivetsah tei din aphae.

Molar pregnancy ho jeha lohsoh val/jing aumthei in, Kivetsah in aphae.

Molar pregnancy chungchang thuhi tu malam injong kana jihtai.

Vitamin B6, pyridoxine hin naovop lai hodin lohso/lohkham nan akimang in ahi.

Good morning damdoi hi vitamin B6 (pyridoxine) le doxylamine akigom in ahi.

Good morning plus a hin vitamin B9, folic acid apangin ahi.
Folic acid hi nu naovop ho adia poimo,
Adehin Nu-in nao avop akona lhathum sung hi apoimo dehin ahi.

Nu-in folic acid alhahsam jeha oisunga um naongeh akhan dingbang le lhoh hatna ding asuhboi thei ahi.

Hiche hin naosen lhoh natna neural tube defects alhut theiding ahi.

Neisimpeh jehin kakipah e🙏🏼