Home News Modi in Assam avil sunga, Dispur munna saguoh keova kiphinna umkit

Modi in Assam avil sunga, Dispur munna saguoh keova kiphinna umkit

101
0

Guwahati, February 9: Prime Minister Narendra Modi in Changsari munna mipi kijotna a houlimna aneipet in, Krishak Mukti Sangram Samiti(KMSS) member hon Saturday nikho a Citizenship (Amendment) Bill, 2016 deilounan Dispur sunga Assam Secretariat maiya saguoh keuvin kiphinna anei uve.

Dispur sunga Assam Secretariat pam langa GS road a KMSS activist gup ho saguoh keuvin ana kijot uvin amaho chu Abhoy Dey, Pradip Narzary, Nurul Islam, Pradip Narzary, Prithiraj Doley le Harmuj Ali ahiuve akiti.

Secretariat pam a um police personnel hon amaho chu apet pet in custody a ana polut uve.

February nisim 1 nikho a chun Dispur munna Citizenship Bill deilou jeh in KMSS member thum hon saguoh keuva kiphinna mama ana nei uve.

Lha masa sunga Lok Sabha a Bill ki passed masanga chu, Assamese khangthah hon New Delhi sunga Parliament pam le Tinsukia munna hitobang kiphinna ana nei u ahi.
Prime Minister Modi in Changsari munna AIIMS dinga Bhoomi Puna aneipet in, AASU activist hon khopi pam Amingaon munna Prime Minister Modi lim ana halpeh uve.

Modi in ahung vilna le Citizenship Bill deilou vetsahnan AASU tosot hon Changsari munna balloon vom ana lhadoh uve. AASU activist hon Uzan Bazar a Swahid Nyash maiya kiphinna anei uvin Modi lim jong meijin ana hal uve.

Source: ET