Home News Manipur sung jing nikho jinglam a pat 36 Hour bandh kikouta

Manipur sung jing nikho jinglam a pat 36 Hour bandh kikouta

75
0

Imphal, Feb 9(ET): People’s Alliance Manipur (PAM) kiti kiloikhomna chom chom kipunkhomna in Peoples’ Convention on Citizenship (Amendment) Bill, 2016 abol uvin, *February nisim 11 jingkah nidan 5:00 a kon February nisim 12 nilhah nidan 5:00* chan Bill douna vetsahna a bandh bol ding’a phondohna anei uvin ahi.
BJP thulhut dungjuiya Rajya Sabha in February nisim 12 teng CAB hi supplementary bill a apohdoh ding a kisei ahi. Bill hi January 8 ni a Lok Sabha in phatsahna anei ahitan, Rajya Sabha in aphatsah ding bou kingah ahi. PAM in GM Hall a People’s Convention agon na a L Malem Mangal, Advocate Puyam Tomcha, Anwari Noorjahan, Convenor PAM, SM Jalal, Convenor PAM W Kameshwor, Convenor PAM, M Sayeed Ahmed, President JU leh MD Rabi Khan jong apang uvin ahi.
Kikhopna a houlimna nei hon CAB in Northeast gam atohkhah thei dan thu ho asei uvin ahi. “ILP, Article 371 (A), Tribal status in gamkai hi CAB a kon ahuhdoh thei ahipoi”, tin Malem Mangal in aseiyin chule Bill phatsah ahileh ichan geiya NE gamkai atohkhah ding ham ti thu aseiyin ahi. Kihoukhomna anei jou uva Convention in mun chom chom mun 50 a bill douna a angol kiphinna bol ding a jong kilolna anei uvin ahi.
Bill hi aphatsah tei uva ahileh February 20 teng gamkai miho khonung ding seikhomna ding mipi kihoulimna umding ahi, ati’in, meeting a hi Manipur leh India thu kiseiding ahi, ati. Tuni a kilolna anei houhi United Nations, China, Russia chule gam dang dang authority ho heng a kithot ding ahi, tin organizer hon aseibe uvin ahi.
Alangkhat a CAB douna a Khurai Lamlong Keithel injong tuni jingkah nidan 11 a konin nilhah nidan 3 chan toumun kiphinna abol uvin, chule Co-ordinating Body, Khurai Club, Meira Paibi, Lamlong Keithel vendor Women, leh dukan bol hon ama ama sumkol veina mun akhah soh kei uvin ahi.

Source Eimitimes