Home News MANIPUR A LOK SABHA SEAT 2 KICHUH DINGA NATIONAL PARTY CHOM CHOM’A...

MANIPUR A LOK SABHA SEAT 2 KICHUH DINGA NATIONAL PARTY CHOM CHOM’A LAMKAI HO HUNG DING

63
0

MANIPUR A LOK SABHA SEAT 2 KICHUH DINGA NATIONAL PARTY CHOM CHOM’A LAMKAI HO HUNG DING

“BJP ticket outer constituency a mi 10 leh inner constituency a mi 6 in applied bol, Congress ticket outer a mi 7 leh inner a mi 9 applied bol tao”

By. Jenny Gangte & Thiem Baite
Nitin Thusoh Imphal Correspondents

Election Commission of India (ECI) in 17th Lok Sabha Election ding phat ana phondoh toh lhon in candidate ding suhtup louvs national political party adeh a ruling BJP leh Opposition Congress party lamkai hon state chom chom a Campaign apat utoh lhon in India Sah-Solam gamkaiya election campaign toh kimat a Opposition Congress President Rahul Gandhi jaona’a lamkai chom chom Manipur a campaign bol’a hung ding ahiuve tin ginchah umtah thulhut khat in aseiye.

Sah-Solam thusoh khat mangcha’a Nitin Thusoh Correspondent report in aseina achun Sah-Solam gamkaiya campaign bolna toh kimat a Congress President Rahul Gandhi chu March nisim 20 nileh Manipur ajong Campaign ahung nei ding ahin, hiche na ding ahin detailed programmes aum nai lou vangin state Congress in kiguontupna apan tai ati.

Ruling BJP state unit in jong Manipur a Campaign hung bol dingin Prime Minister Narendra Modi jaonan centre lamkai ho temna ana nei uvin, thulhut in aseina achun State BJP in March nisim 30 nileh PM Modi in Manipur a Campaign ahung bol dinga temna ana nei uvin ahi.

Chuleh BJP National President Amit Shah chun April nisim 9 nileh Manipur a Campaign ahung bol ding ahin, ahung thei lou jongleh akhel a Union Defence Minister Niramala Sitharaman ahilouva leh Union Minister khatpen pen hung tei tei ding ahi dan jong thulhut chun aseiye.

Ahung lhungding 17th Lok Sabha Election ding hi ECI in state chom chom phase chom chom’a dinga ana guona guon toh lhona Manipur ajong phase 2, April nisim 11
Outer Manipur Parliamentary Constituency um ding, Chuleh April nisim 18 nileh Inner Parliamentary Constituency chu election um ding ahi.

Langkhat a thinglhang leh phaicham a tuni (Thursday) ni gei chun politician agoma mi 30 chu Ruling BJP leh Opposition Congress ticket kichuh in in nasatah in pan ana lacheh uvin, BJP ticket chu mi 16, Outer Parliamentary Constituency a mi 10 leh Inner Parliamentary Constituency a mi 6 in applied ana bol uvin, Chuleh Opposition Congress ticket jong chu mi 16 mamah in applie ana bol kit uvin, applied bol mi 16 lah achun Outer a mi 7 leh Inner Parliamentary a mi 9 applied ana bol uvin ahi.

Tuni geiya sittingOuter Parliamentary Constituency a dinga Opposition Congress ticket applied bol mi 7 hochu Tongmang Haokip, W Lalkholam Hangshing, KS Ngaite, T Zangkhomang Haokip, Sword Vashum, John Manglianthang Zou leh K James ho ahiuvin, hinla Congress in ticket hi koipen ahin peh ding het ahi nai pon ahi.

Chuleh Inner a dinga tuni chan a Congress ticket applied ana bol mi 9 hochu sitting MP Dr T Meinya, former MLAs Dr Ng Bijoy, O Joy,I Hemochandra,Dr T Meinya,former chief secretary O Nabakishore,N Bupendra, S Manaobi alias Khoiranthaba, K Saratchandra leh M Bishwarjit ho ahiuve, hinla BJP in list ana phongdoh nai pon ahi.

Geldoh thei chu tutua Inner leh Outer a Sitting MP chu ani lhon a Congress ticket a ana kaidoh Dr T Meinya leh Pu Thangso Baite ahi lhon’e.

Nitin Thusoh (Daily News)