Home News Macedonia lahlut ding a NATO protocol Greece in phatsah ta

Macedonia lahlut ding a NATO protocol Greece in phatsah ta

78
0

Athens [Greece], Feb 9 (ANI): Greek Parliament in Macedonia lahlut na ding’a NATO protocol phatsahna anei tauvin, kal masa a gam min kikhel jou ahi.

Macedonia gam min hi ‘The Republic of North Macedonia’ tia athah a amin kisem ahi’in, amin thah jeh a Greece leh Macedoia gam kah a boina um ‘a NATO chule European Union (EU) a Balkan gam hi ana lut theilou ahi. Greek Prime Minister Alexis Tsipras in Parliament a vote apat masang uva, “North Macedonia gam, Greece toh kiloikhom hi gamkai a chamna leh detna aumna ding a pankhom pi ding’a lemna kaneiye, itoh diu itoh uva kangaito ahi”, tin aseiyin ahi.
NATO Secretary-General Jens Stoltenberg in Wednesday ni a NATO headquarter mun a kin-gon alamkai ahi’in, Macedonia gam hi pact a pang ding’a kouna apeh-u ahi. Macedonia Foreign Minister Nikola Dimitrov in Skopje thalheng a protocol a soi akai tan ahi.

Greek Parliament in January 26 nikho a Macedonia gam min kikhel hi phatsahna anei ahi’in, min khel na ding a deal vote apeh nauva Parliament seat 300 umna lah a mi 153 in min kikhel ding atosot a chule legislator 146 in adeilou na a vote apeh ahi. Macedonia in NATO leh EU membership mu nading a pan alahna hi kum sot a ahitan, ahivang a Macedonia agam min jeh a Greece in ana lamtin jing ahi.

Source eimitime