Home News LIESET GALPI 2 LAIYA US AIR FORCE VANLENG

LIESET GALPI 2 LAIYA US AIR FORCE VANLENG

74
0

NT||Local News
Friday, 05 April 2019

LIESET GALPI 2 LAIYA US AIR FORCE VANLENG

By. David Changsan
Nitin Thusoh NE Staff Correspondent

Achesa 1939 akon 1945 kikah a leiset Galpi II laiya US galsat Vanleng ana khelha ahilou leh ana kikap lha hi dinga ginmoh Hal (wreckage) leh galmanchah tamtah chu janni chun India Sah-Solam Arunachal Pradesh Lower Dibang Valley district a member 12 umna Indian Army Special Patrol Team leh local police hon ana mudoh uve tin Defence Spokesperson Chiranjit Kunwar in Sah-Solam thusoh khat ana hetsah in ahi.

Hiche US galsat vangleng hi Lower Dibang Valley district thinglhang Roing akon km 30 a gamla munkhat buhbang feet 5 a thuh sunga ana mudoh uh ahin, galmanchah jatchom chom tamtah jong mudoh thah ahi tin Kunwar chun aseiye.

Chuleh hiche galsat vangleng hal leh leiset Galpi II laiya galmanchah jatchom chom tamtah kimudoh akon hin Gal laiya US Air Force ho kimanchah dan ho thusim phabep hetdoh beh hung hi ding ahi tin jong Defence Spokesperson Kunwar chun ana phongdoh in ahi.

Leiset Galpi II laiya US lamkaina a Allies Force kiti US, UK leh France ana pangkhom uvin Japan ho douna in China gam chu based a ana nei uvin India West Bengal a Panagarh leh China kikah a galsat vanleng hohi ana lengmat jing ahi utoh lhon in US bou hilouvin, UK leh France vanleng tamtah Arunachal Pradesh leh China gamgi a tamtah kaplha in ana um in ahi.

Chuleh US Department of Defence chun India Sah-Solam gamkai adeh a Arunachal Pradesh gam a US vanleng ana khelha holeh galmanchah jatchom chom kimudoh hochu khuolchilna nei ding leh vanleng leh galmanchah hochu US gama pohlut kit dingin India Government koma phalna ana lauvin ahi.

Nitin Thusoh (Daily News)