Home News KLO/KLA(Assam) in Assam N.C. Hills sunga kaidon kibolna chunga gihna nei

KLO/KLA(Assam) in Assam N.C. Hills sunga kaidon kibolna chunga gihna nei

111
0

NT Staff Reporter: Lalminsang Singson

Haflong, March 14,2019(NT): Assam gam North Cachar Hills, Dima Hasao district sunga Kuki minna manchah choi kiloilhomna Kuki Liberation Organisation/Kuki Liberation Army(KLO/KLA) Assam in N.C. Hills lhang sunga mipi ho henga kaidon le kaipeh na chunga March nisim 14, 2019 nikho a chun hetsahna ana neije.

KLO/KLA in aseina a chun, Central le State government to (MoS) kikai masang sea koi tobang thingnoi dang aguh a panhu a puihoi a umkhah le, agantheipen a angahsan nadin ahetsah in, akisei banga chon aki hetdoh le melma a kisim a gotna kipe ding ahi ati.

Aseibena a chun, akisei gam sunga koi tobang mel hetlou in sum don aneiya ahile hiche a chu khosung Haosa hon KLO/KLA ahetsah din haosa le mipi henga ngehna aneije. Ijem tia sum kidong ho ana pe a akihetdoh le KLO/KLA in ajat som tam a kilahpeh ding, chule koiman anungthu aphoh theilou di ahi ati.

KLO/KLA in N.C. Hills sunga hi Kuki chate dinga atumbeh a kivaipohna (separate administration) angeh ahin, hiche ngehna kinei suse go, a ki hetdoh le kiloikhomna in thipbeh a kive loudi ahi tin aseibe e.

Geldoh dingkhat chu, March nisim 12, 2019 nikho a New Harangajao sunga Manipur, Tamenglong district akon UTLA/UTLF kiloikhomna a jao cadre thum Police hon factory made pistol khat to meichang live thum to ana matdoh jouva, hitia hi KLO/KLA akon thusoh hung kimu ahi.

Source: Nitin Thusoh