Home News KIM LAMKAI KEHLETNA LOLHING TAH’A UM

KIM LAMKAI KEHLETNA LOLHING TAH’A UM

106
0

NT||Local News
Saturday, 09 March 2019

By. S Thangboi Chongloi
Nitin Thusoh Senior Staff

Tuni chun Kuki Community Hall, Phaipijang Langol, Imphal mun a Kuki Inpi Manipur (KIM) lamkai kehlet (expansion) nale thukhoh lakhoh ho seikhom nale kihou khomna kingon ana um in ahi.

Hiche lamkai thah lahlut bena kingon chu Pu Hemjathang Khongsai, Pachong (Vice President) in makaina ananeijin Pu Khaimang Chongloi, Inpipu (President) in kihah selna le Appointment Orders pehdoh na ananei in ahi. Chule lamkai ho jouse chunga khutngap a taopeh na Pakai lhacha kin tong dinga thaonu chang Rev/Pastor hon ananei peh u tolhon in Rev Dr Hawlngam Haokip in tilkhou najong ananei un ahi.

Hiche lamkai thah ho lahlut bena kin kichai jouvin akikhom lamkai chengin thukhoh lakhoh ho a kihoukhomna giltah in jong ananei khom un ahi.

Tuni kingon a chun Kuki Inpi Manipur le abahkai Kukite jalhang kiloikhomna a lamkai chom chom tampin pan ana lauvin.

Tunia KIM lamkai thah kilhengdoh (elected) le lahlut (induct/appoint) kibol chu agom a mi 25 ahiuve.

Nitin Thusoh (Daily News)