Home News KHO 120 A CHENNA INN 1250 HUIPI’N MUSIE

KHO 120 A CHENNA INN 1250 HUIPI’N MUSIE

108
0

NT||Local News
Monday, 15 April 2019

By. S Boilen Haokip
Nitin Thusoh Churachandpur Correspondent

Tujingkah nidan 10 am vel a hetman louva Manipur sung munchom choma huipi leh guo hat tah kithoh jeh chun Churachandpur district, Kangvai Sub-Division sunga kho 120 a chenna inn 1250 asusie tin Kangvai SDO Mangminlian Vaiphai in Churachandpur DC a preliminary report abol toh lhon in emergency/temporary relief anchang kg 3750 leh karosene litter 1250 issue/released dingin ngehna ana neitan ahi.

Thilsoh jouva Kangvai SDO in Churachandpur DC a preliminary report apehna achun thilsoh hi Village Authority ho ngehna banga amuntah a khuolchilna kinei ding ahi tia ana sei bana hui in chenna inn asuhset sah hochu umna dingleh nehna ding nei lou ahi utoh kilhon in Kangvai Sub-Division sunga Chief Association ho, CSOs holeh Village Authority hon temporary a panpih naleh kithohpina apeh diuvin jong ngehna akinei in hinla hiche hochu akilhin lou ding jeh in District Administration in agangthei pen a relief apeh dingin jong ngehna ana nei in ahi.

Nitin Thusoh (Daily News)