Home News HAFLONG: SONGPIJANG YOUTH CLUB makai na a Songpijang khosung ana kisu theng

HAFLONG: SONGPIJANG YOUTH CLUB makai na a Songpijang khosung ana kisu theng

117
0

NT:: Assam
14-04-19

Edited by Donald Sitlhou
NT Assam Correspondent

Songpijang: Monsoon Season ahung kipat pat to kilhon in janhin Songpijang Youth Club Makai na in Songpijang Khosung miten khosung lamlen hole twi lon na (Drain) ho suhtheng na ana anei un ahi.

Jingkah lam nidan 9.30 a pat in khosung a cheng Nungah Golhang tomngai hole upa naolhang tampi Songpijang Youth Club Hall a ana kisu kim un, Group tampi a ana kilheh khen un khosung suhthieng na ana nei un ahi.

Gah hetthei khat chu ahile sorkar a kona panpi na ho ading bang a ahung lou jieh in hiche toh gon hi ana kigong ahin chule drain ho a twi lon na block jouse jong suh thieng ahin ahi. Chule Upper Songpijang Area, Lamdukan mun a bohnen kipai na jong ana kisu thieng tha in ahi.

Youth Club Lamkai hon Nitinthusoh mang cha in Mipi te heng’a phon doh anei nao vah Sorkar in ei na don tahih jong leo hen ei ho eki lungtoh jieh uva hitia hi e khosung uva thil kitup lou ho siem phat na um ahin chule tu banna jong khosung Development dia e tomngai nao eso uvo lungkitoh tah a pan elah khom jing diuva hetsah ihuve. Chule tu a pat koiman boh nen, plastic bags, bottle chule adang dang ho drain a apai tah lou diuva ana hetsah tha un ahi.

Gah hetthei khat chu ahile kum chetasa 2017 kum in jong khosung a mi tomngai phabep ho sum toh doh le khosung ngailu mi tomngai ho natoh jal a khosung pumpi a road jong sorkar sum pangle hel a ana ki sem ahin, Tukum in jong lamlen ana kisem repair ngaiho jong ana ki repair phan ahi. Ningkum 2018 Christmas masang jep a jong chu Songpijang Christian Fellowship makai nan Khosung lamlen ho suhthiengna ana kinei in ahi tin Lamkai khat in ana sei be in ahi.

[email protected]