Home News GUINNESS WORLD RECORD TUPNA A KONYAK NUMEI 4000 IN KONYAK NAM LAM...

GUINNESS WORLD RECORD TUPNA A KONYAK NUMEI 4000 IN KONYAK NAM LAM THO

85
0

NT||NE News
Saturday, 06 April 2019

GUINNESS WORLD RECORD TUPNA A KONYAK NUMEI 4000 IN KONYAK NAM LAM THO

By. Sarah Singson & Janet Changsan
Nitin Thusoh NE Staffs Correspondents

Khatvei thu’a munkhat a leiset chunga traditional dance (nam lam) thoh tampen a Guinness World Record hi ding tupna in janhi chun Nagaland, Aoleang Mini Hornbill Festival ani 3 ni toh kimat in Konyak Union, Konyak Nyupuh Sheko Khong (KNSK) leh Konyak Students’ Union (KSU) tohguon na noiya “Empowering Women for Cultural Heritage” kiti theme a mangchan Konyak Numei 4000 in Konyak Traditional Dance ana tho uvin ahi.

Hinla Security a boina aum toh kilhon in Guinness World Record Adjudicators hochu kin achun ahung jaothei pouvin, guideline dungjui in North East Zone Cultural Centre (NEZCC) akon Veswuzo Phesao leh Performing Arts with Fitness akon Choreographer Tali Temjen chu Official Adjudicators dingin Guinness World Record Adjudicators chun nganseh (thakhel) na ana nei uvin ahi.

NEZCC akon Guinness World Record Adjudicators in Adjudicator a anganseh Milun Veswuzo Phesao in Sah-Solam thusoh khat ana hetsahna achun Konyak numei hon World Record tupna Konyak kho 115 akon Numei 4000 in Konyak Traditional Dance ana nei na ding uva kiguontup na in nidan 3 val ana suhlut ban uva Numei 4000 chun Konyak Traditional Dance chu 5.01 minutes sung ana nei uve ati.

Chuleh hiche a angaikhoh documents jouse chu Guinness World Record Adjudicator a ana kithot tan nidan 12 sung ahi louva leh ni 5 sunga Official Confirmation hung lhung ding ahi tin Milun Veswuzo Phesao chun ana phongdoh in ahi.

Nitin Thusoh (Daily News)