Home News GAMGIA SECURITY VENBITNA KHAUSAH DINGA AR HO THUPEH

GAMGIA SECURITY VENBITNA KHAUSAH DINGA AR HO THUPEH

20
0

NT||Local News
Thursday, 04 April 2019

GAMGIA SECURITY VENBITNA KHAUSAH DINGA AR HO THUPEH

“First phase a Manipur a security company 90 manchah hi ding”

By. Jenny Gangte
Nitin Thusoh Imphal Senior Correspondent

Lok Sabha Election ding toh kimat a boina suoh thei ding ho venbitna ding toh kimat a gamgi ho’a security venbitna khausah ding in Chief Electoral Officer ((CEO) in gamgi vengbit a um Assam Rifles hochu thupeh anei tan ahi.

Hiche hi jannia CEO PK Singh chair na noiya Imphal Langjing a CRPF IG conference hall a ahung lhungding Lok Sabha Election ding toh kimat a security meet ana umna a AR hon gamgia venbitna khausah dinga thupeh ana nei ban uva Election ding nikhat masanga gamgi jouseh khah (close) dingin jong ana phatsah uvin ahi.

Jannia meeting na achun Central Paramilitary forces, District jouseh a SPs holeh Election a Nodal Police Officer, ADGP L Kailun bana top security officer tamtah ana jao uvin ahi.

Langkhat a tuchung Manipur a phase 2 (April 11 leh 18) a chelha ding Lok Sabha Election a manchah ding Central Paramilitary forces companies 90 chu Manipur ahung lhung taovin, chuleh April nisim 11 nia first phase a Outer Manipur Parliamentary Constituency election na ding ahi state a IRB Company 15 leh Central Paramilitary forces company 90 manchah dinga phatsah ahi ban a second phase April nisim 18 a Inner parliamentary elections ahi security company 44 bou manchah dingin ana phatsah uvin ahi.

Geldoh thei chu state a polling station 2862 lah a polling station 283 chu Critical Polling Stations a phondoh ahi bana polling station 225 hochu vulnerable polling stations a phondoh ana hi.

Nitin Thusoh Daily News