Home News EO ANGAIKHOH HO BOL DINGA OUTER RO THUPEH NEI

EO ANGAIKHOH HO BOL DINGA OUTER RO THUPEH NEI

107
0

NT||Local News
Saturday, 06 April 2019

EO ANGAIKHOH HO BOL DINGA OUTER RO THUPEH NEI

By. Jenny Gangte
Nitin Thusoh Imphal Senior Correspondent

A 17 lhinna Lok Sabha Election First Phase April nisim 11 nia umding Outer Manipur Parliamentary Constituency a Candidate ho Expenditure toh kimat a Rules leh Regulation kal a natoh leh thilbol anei hou chunga angaikhoh leh “Dan” dungjuia action alah dingin Outer Manipur Parliamentary Constituency a Expenditure Observers (EO) hochun Outer Manipur Parliamentary Constituency a Returning Officer (RO) chu thupeh anei tan ahi.

Outer Manipur Parliamentary Constituency a EO dinga Election Commission of India (ECI) in ana guon BK Singh leh Vinay Kumar Kantheti in ani veina dinga jannia state ahungvil naova candidate ho bank account ho khuolchilna ana nei uvin ahi.

Khuolchilna achun Outer Manipur Parliamentary Constituency a Candidate NPP candidate Thangminlen Kipgen leh Independent candidate Leikhan Kaipu chun bank account ana nei pouvin, chuleh BJP Candidate Benjamin Mate leh NEIDP Candidate Ashang Kasar in cash a 10,000 payment ana bol hou hetdoh ahi bana candidate hon election toh kimat a routing donations/funds expenditures ho amaoho bank account amanchah diuva Dan umchu ana manchah lou dan hou jong ana mudoh utoh lhon candidate hochunga ECI thupeh dungjuia angaikhoh action holah dingin EO tenih chun RO (DEO Thoubal) chu thupeh ana nei taovin ahi.

Chuleh ECI guideline dunguia Bank hon niseh a Bank a customer hon sum withdrawal abol houleh deposit abol hou niseh a report apehlut diu ho Bank hon apehlut lou utoh kimat ajong action lah dingin jong EO chu RO chu thupeh ana nei tan ahi.

Expenditure Observers hon khuolchilna anei naova dandih louva thil kibol amudoh hou chunga Dan dungjuia natoh anei dingin Additional CEO Manipur, T Ranjit in jong RO chu jihthoh in ana hetsah tan ahi.

Nitin Thusoh (Daily News)