Home NGAIDAN (OPINION) Ngaidan Congress le BJP hita louvin, Northeast chilhah NPP joh son taote.

Congress le BJP hita louvin, Northeast chilhah NPP joh son taote.

70
0

NT Editorial

(NPP hi 2013 January lha a Pu. P.A. Sangma in ahin phudoh, A logo lekhabu lim, tribal ho thu sei dinga kisem ahi)

India sunga political party tamtah um hen lang, Regional party hat tah tah um jongle, Northeast a dinga National People’s Party(NPP) hi aminthang le ahat pen khat ahitai.

Meghalaya Chief Minister Conrad Sangma lamkaina noiya kivaipo NPP hi a deh a Tribal ho a dingle tribal ho thu Parliament a sei dinga kisem ahi. BJP le Congress hi a pha lheh nan, hinlah hiche party teni hi northeast mipite adeh a tribal ho dinga manthei tah ahi behseh poi ti seilouva ihesoh kei uve. Ajeh chu amani party a Majority hi Non-Tribal ho ahi thou thouvin, Non-Tribal in tribal(thinglhang) miho thu thinglhang miho dei banga aseidoh di hi kinep umlou tah ahi.

Northeast akon regional party hat dom le lamkai kitup tah nei, regional party ahi vanga national level a kichem thei hi NPP bou ahi.

Northeast hi India sunglang(mainland) to ki khen tobang a um jing ihiuvin, hiche dinmun a hin BJP le Congress khat le ni kisot kai jing jongleu hen eiho chungthu achang uva a party member dang to kitoh louva asei theilou jeh uvin, aphachom joujipoi ti ihesoh kei uve.

NPP ikisot kai sao sao ule vang, Tua ahat na ban’a hung hatbe cheh di ahin, Northeast thalheng a hung ding thei le, thinglhang mihon iphatchom pi pen diu, Central ahiloule Parliament a jong ithu u che dom di ahi.

Citizenship (Amendment), Bill 2016 Lok Sabha a BJP in ahin passed a chun, Congress in adeilouna a ana ting e. Ahin hiche jong chu Congress in ama party hatna dile mipi tosotna amuna dinga abol ahi kitile seival hipontin, BJP in jong Assam sunga Hindu alahlut tamle Hindu politics acham louva ahat di, amu jeh a atamjo ho lung holna a alhomjo le alhasam tribal eiho di agel lou ahi.

NPP lamkai Conrad Sangma lamkaina noiya Northeast a BJP hilou party dang Citizenship(Amendment) Bill, 2016 deilou ho amun mun a akikhom uvin, tin le ha tho in ana doudal uvin ahi.

Geldoh di khat chu, tuchan a hi Northeast India akon Northeast chilhah mong mong Pu Conrad Sangma tobang a Parliament a jong thusei thei kisep dohlou lai ahi kitile seival hiponte.

Meghalaya Chief Minister Conrad Sangma lamkaina noiya Tribal hon tribal issue langa phatchomna inei joh tei diu jong tahsan umtah ahi.

Northeast akon kisemdoh kipandoh ho joh ha tosot tau hite.

Hiche hi Parliament a Conrad Sangma a houlim masat napen ahi https://youtu.be/3dPQwQShm3I
Aban navet be nomle youtube in amin type inlang hol in.

Submit your articles on [email protected] or at +918415964797(whats app)

Nitin Thusoh(Daily News)