Home News CONGRESS IN NE GAMKAI GELKHOH IN ANEI PON, CONGRESS SUHKHEL JOUSE BJP...

CONGRESS IN NE GAMKAI GELKHOH IN ANEI PON, CONGRESS SUHKHEL JOUSE BJP IN SUHDIH DING AGONGE: PM MODI

78
0

NT||Local News
Monday, 08 April 2019

By. Jenny Gangte
Nitin Thusoh Imphal Senior Correspondent

India Sah-Solam gamkai hi Congress Government in nahsah leh donseh a ana nei lou jeh a tunia khangtou leh machal lou ahi tin Prime Minister Narendra Modi in jannia Imphal Hafta Kangjeibung a election rally aneina a ana phongdoh in ahi.

Prime Modi in Manipur a BJP Candidate dinga Election Campaign ana nei na achun Congress Government in India Sah-Solam gamkai adeh in Manipur hi gelkhoh leh nahsah in ana nei leh tunia hi railway beh lhung ding ahi tan hinla ana gelkhoh lou jeh in khantou naleh machal nalang a nasatah in ana lhasame ati.

Chuleh Manipur hi Sports lang a nasatah a machal leh khangtou leh talent nei sportsperson tamna leh lolhinna state ahin hinla Congress Government in nahsah leh donseh a ana nei lou jeh uvin tunin khangtha tamtah ana mangtai tin jong Modi aseibeh.

BJP in India Sah-Solam adeh in Manipur ana gelkhoh toh lhon in Manipur sporting hub suoh ding ana guon toh lhon in National Sports University ana koi bana a Congress in nasah leh donseh a akoi lou jeh a pendinga um highways, roads, airports leh adang dang natoh ahin pat ding ahi tai ati.

Chuleh Rahul Gandhi in India Sah-Solam gamkai Northeast Industrial Policy noiya manufacturing hub hisah ding a ana phondoh na a PM in ana donbutna achun Congress hi Abuses leh Lies a “masters of manufacturing” ahiuve ati.

Congress in Pakistan leh Kashmir thua mipi propaganda dihlou hetsah ding ana guong uvin manifesto dih lou aphongdoh uvin mipi lamdih louva pui ding ana guong uve tin jong PM chun ngohna ana nei in, hiche toh lhon a mipin Congress hi red card peh phat ahi tai jong ati.

BJP leh NDA government in Congress leh apankhompi ho Sah-Solam gamkaiya asuhdih lou nao holeh tohkhel hou chunga suhdih leh semphat ding aguong hin mipin atosot a semphat ding in PM Modi chun mipi temna ana nei in ahi.

Langkhat a PM Modi in Manipur a dinga BJP natoh ho ana phondoh na achun guarantee umlou vin MUDRA akon numei 60,000 jaonan mi lakh 1 loan ana peh bana ‘Chowkidar’ Government (BJP Government) in numei lakh 1 LPG connection ana bolsah bana beneficiaries mi 10,000 ho chenna inn asahsah tan, chuleh dammohna neiho dangka lakh 5 chan a free a kijen theina dinga mi lakh 3 val guonpeh ahi tai jong ati.

Chuleh kum 5 sung BJP in gamsung khantou machalna dinga natoh ahin nei thei hi mipi panlah naleh tosotna jeh ahin maban a jong mipi pan lahna jeh a BJP khantou machalna lang a natoh ahin nei kit ding PM Modi akinepna jong ana phongdoh in ahi.

Nitin Thusoh (Daily News)