Home News CMSS LEH ALS CSR NOIYA UPSC COACHING

CMSS LEH ALS CSR NOIYA UPSC COACHING

26
0

NT||Local News

Friday, 08 March 2019

CMSS LEH ALS CSR NOIYA UPSC COACHING A DINGA MANIPUR A IAS ASPIRANTS 450 SCHOLARSHIP DING A CHIEF MINISTER LEH ALS IN DANGKA CR. 2 VAL PHONGDOH

By. Jenny Gangte & Thiem Baite

Nitin Thusoh Imphal Senior Correspondents

Manipur thusima amasapen dingin janni chun India Largest IAS Coaching Network ALS a Civil Services Coaching ading in Chief Minister Career Counselling Scheme (CMCCS) noiya Manipur a IAS aspirants mi 150 a dingin Scholarship dangka 1,06,20,000 (One crore six lacs and twenty thousand only) peh dinga Chief Minister Pu N Biren Singh in ana phondoh ban’a ALS National Sales Head Shri Prateek Bhattacharya in jong ALS CSR (Corporate Social Responsibility) noiya Manipur a mi 300 ading scholarship dangka 1,11,51,000 (One crore eleven lacs and fifty one thousand only) peh dingin ana phongdoh in ahi.

North East a 35 jaona a all India a centers 75 nei leh tuni chan a UPSC noiya selection 2600 val nei ASL akon CM in Manipur a IAS aspirants mi 150 Civil Services Coaching bolna dinga Chief Minister Career Counselling Scheme noiya dangka 1,06,20,000 (crore khat leh lakh gup leh sangsom nih) pehdinga ana phondoh leh ALS in ALS Corporate Social Responsibility noiya kon Manipur a IAS aspirants mi 300 ading scholarship dangka 1,11,51,000 ( crore khat leh lakh somlekhat sang somnga leh khat) ALS in ana phondoh toh agom a Manipur a mi 450 ading Scholarship dangka 2, 17,71,000 (crore 2 leh lakh somle sahi le sang somsagi leh khat) alhing in ahi.

UPSC Coaching a ding CM Biren in Chief Minister Career Counselling Scheme noiya State mi 150 ding scholarship dangka 1,06,20,000 ALS akon peh dinga ana phondoh hi State Government in simlai nei lou genthei ho tosot leh panpihna ding tohguon a kibol ahin, hiche hi state thusima dinga amasapen ahin hiche phatchomna mudinga simlai khangthah hon pan alah diuvin temna ana nei in ahi.

ALS National Sales Head Shri Prateek Bhattacharya in Manipur a simlai 300 a dinga ALS Corporate Social Responsibility noiya scholarship dangka 1,11,51,000 ana phondoh bana Mega IAS Scholarship Exam hi May nisim 19 jingkah nidan 11 am leh Manipur a District Headquarters jouseha Deputy Commissioner ho supervision na noiya um ding ahi, Application forms chu April nisim 1 akon District a DC office jouseh leh ALS IAS Authorised Learning centers jouseh a muthei hi ding May nisim 12 pehlut phat last date hi dingin ana phongdoh in ahi.

Chuleh lhendoh a um mi 450 ho list chu May nisim 26 nia phondoh hi ding, June nisim 5 nia kon ALS IAS Authorised learning centers Imphal, Churachandpur, Ukhrul, Senapati, Tamenglong, Maram leh Motbung ho’a kumkit UPSC a dinga Caoching kipan ding ahi ati.

Milun Bhattacharya in aseibehna achun Chief Minister Career Counselling Scheme noiya state government in sponsored ding mi 150 hi Manipur Reservation Roster List-based a kilhengdoh ding ahi ati.

Geldoh thei chu hitobang scholarship hi kumlui 2018 chun India Sah-Solam gamkaiya state 4 Arunachal Pradesh in dangka lakh 75, Tripura in dangka lakh 43, Mizoram in dangka lakh 80 leh Meghalaya in dangka lakh 95 ana piedoh uvin ahi.

Nitin Thusoh (Daily News)