Home News CM IN STARTUP NOIYA BENEFICIARY HO SANCTION LETTER PEHDOHNA NEI

CM IN STARTUP NOIYA BENEFICIARY HO SANCTION LETTER PEHDOHNA NEI

40
0

NT||Local News

Monday, 11 March 2019

CM IN STARTUP NOIYA BENEFICIARY HO SANCTION LETTER PEHDOHNA NEI

State Planning Department tohguon na noiya janni chun Chief Minister Secretariat Complex a StartUp Conclave achun Chief Minister Pu N Biren Singh in “StartUp Manipur” Phase-II Idea Stage noiya lhendoh beneficiaries hokom a Sanction Letter hopdohna ana nei in ahi.

State government in gamsunga khangtha lamchom choma khut themna nei leh khantou, machalna thei a thilbol theina neiho leh entrepreneurs ho tosotna dinga kum luiya “StartUp Manipur” hi launches ana bol ahin, hiche a them naleh thil boltheina nei hochu training leh loan ana pehji ahi.

Janni Conclave achun “StartUp Manipur” Phase-II Idea Stage noiya lhendoh beneficiaries hokom a Sanction Letter hopdohna ana nei bana Phase I Dan dungjuia training chai beneficiaries mi 6 hokom a cheques pehdohna jong ana nei in ahi.

StartUp Manipur Phase-II a applications 3966 lut lah a entrepreneurs a mi 42 chu Revenue Stage a lhendoh ana hiuvin, Idea Stage mi 575 leh Entrepreneurship Support Scheme noiya mi 177 chu beneficiary a lhendoh ahiuve, kumluiya Phase I achun Entrepreneurship a mi 334 lhendoh ana hiuve.

CM in mipi masanga ahoulimna achun sumkolveina dinga government akon panpihna bank loan lah hi phatmasa a government akon chun ahahsah lhen in, hinla tua government thah in gamsung mipi toh kitahsan tuoh naleh gamsung khantou machalna lang gelkhoh ahi toh lhon in bank loan bailam tah a lah thei ahi bana kumseh a government in StartUp Manipur a dinga dangka Crore 30 ana phatsahe tia aphondoh bana Imphal-Mandalay-Bangkok flight service dinga jong Centre Government a ngehna kinei ding ahi tin jong ana phongdoh in ahi.

Chuleh janni kin achun Deputy chief minister Y. Joykumar Singh, health and family welfare inister L. Jayantakumar, consumer affairs, food and public distribution  minister Karam Shyam, tribal affairs and hills minister N. Kayisii, forest and environment minister Th. Shyamkumar, social eelfare minister Nemcha Kipgen, education minister Th. Radheshyam, MP Ksh. Bhabananda leh MLAs tamtah ana jao uvin ahi.

Nitin Thusoh (Daily News)