Home News CM IN NAMBUL VADUNG A “REJUVENATION LEH CONSERVATION” PROJECT LAUNCHES BOL

CM IN NAMBUL VADUNG A “REJUVENATION LEH CONSERVATION” PROJECT LAUNCHES BOL

55
0

NT||Local News

Saturday, 09 March 2019

CM IN NAMBUL VADUNG A “REJUVENATION LEH CONSERVATION” PROJECT LAUNCHES BOL

“State government in vadung 7 suhthen nading leh semhoina dinga central government a proposals dangka Cr 500 thot”

Gamsunga vadung ho suhthen a leiset ngeina banga vadung a tui theng luonsah ding tupnan tuni chun Chief Minister Pu N Biren Singh in “Rejuvenation and Conservation of Nambul River” project chu Chief Minister’s Secretariat a launched ana bol tan ahi.

Government in vadung suhthenna ding tohguon neia “Rejuvenation and Conservation of Nambul River” project launches abol toh lhona mipin Nambul vadung leh vadung pam (river bank) ho nen pai lou dingleh vadung leh atui sunen leh suboi thei dingle environment suhoi lou ding thil ho mipin abol lou dinga CM in ngehna anei bana project hi alolhinna dinga mipi atosot dingin jong temna ana nei in ahi.

Chuleh stakeholders, civil societies leh local clubs hon vadung semphatna dinga pan alah a government tohguon atosot dinga temna ana nei bana a Local Club ahilouva leh civil societies hon amamah vasung cheh a

nen paina ding garbage bins abol diuva CM in temna anei bana hiche sahna ding achu government in loan ahilouva leh grant apeh dingin jong CM chun aphongdoh in ahi.

CM in tunia launches abol “Rejuvenation and Conservation of Nambul River” project hi National River Conservation Plan of the Ministry of Environment, Forests and Climate Change, Government of India noiya phase a natoh chelha ding ahin first phase ahi Nambul vadung Iroisemba akon Heirangoithong gamkai geia dingin centre government chun dangka 97.72 Crores chu approved abol tai ati.

Chuleh State government chun vadung 7 Imphal, Iril, Khuga, Khujairok, Lokchao, Manipur leh Thoubal rivers suhtheng leh semphatna dingin dangka Crore 500 lut dingin project proposals ana kithot tan, hiche project noiya hi latest technology treatment plant MBBR (Moving Bed Bio Reactor) chu Mongsangei (16 MLD) leh Samushang (1 MLD) a bol ding tohguon akinei bana Nambul vadung gamkaiya eco-friendly crematoria 50 leh units Community Toilet Complex 20 jong kisa ding atin jong CM chun ana phongdoh in ahi.

CM in aseibehna achun hiche project natoh hochu Water Resources Department, PHED, MAHUD, State Pollution Control Board leh Department dang dang kithohkhom a atoh diu ahi dan jong ana sei in ahi.

Tuni kin achun CAF&PD Minister Karam Shyam, Forest and Environment Minister Th. Shyamkumar, MLAs S. Bira, O. Lukhoi, Y. Radheshyam, S. Subhaschandra, Awangbow Newmai, K. Leishiyo, Addl. Chief Secretary Dr. Suhel Akhtar, Secretary to CM Geoffrey Ningthoujam, Secretary (Law) Smt. Nungsitombi Athokpam leh Directorate of Environment a official ho ana jao uvin ahi.

Nitin Thusoh (Daily News)