Home News CAB DOUDALNA VELVETNA

CAB DOUDALNA VELVETNA

76
0

NT||Local News
Monday, 11 February 2019

Aguongtuoh:
SP Haokip
Nitin Thusoh Senior Staff

● NUPI 6 KITONGKHA, SECURITY VENBITNA KHAUSAH: Citizenship Amendment Bill doudalna a Manipur Peoples against Citizenship Amendment Bill (MANPAC) in “one road indefinite mass agitation” ana chepi tosot na a jannia Khwairamband Ima Keithel a tou Nupi hon lampi ting tan a kiphinna ana nei hou delmang na dinga police in tear gas shells leh mock bombs ana manchah naova Nupi 6 ana kitong khauvin ahi, MANPAC tosotna a Ima Keithel nupi hon janni jingkah akon kiphinna ana nei uhi February nisim 12 gei chelha ding ahi dan ana phongdoh uvin ahi, chuleh Bill doudalna a kiphinna hi sousang thei dinga aum jeh leh mipi’n MLA leh MP ho chenna inn hou anoh khum diu venbitna tohguon in MLA leh MP ho chenna inn ho a security venbitna khausah ahi bana khopi sunga CRPF jaonan security tamtah tollut beh ahi dan jong phaicham niseh thusoh khat in ana phongdoh in ahi.

● MANPAC FOREST MINISTER BOYCOTT BOL, CAB WITHDRAW AHI TOHKAH KIPHINNA NGAH HILOU DINGA MANPAC THUPHON BOL: Citizenship Amendment Bill doudalna dinga Thinglhang leh Phaicham sunga CSOs chom chom kigom hon in ahin semdoh Manipur Peoples against Citizenship Amendment Bill (MANPAC) chun State Forest Minister Th. Shyamkumar in Bill doudalna a mipi kiphinna lamdih louva puiding aguon bana Bill hin Manipur tongkha lou ding ahin, mipi kiphinna hi Congress tosotna noi ahi tia February nisim 9 nia kin khat a ajaona a ana phondoh lungkim lou leh deilou vetsahna in MANPAC in Minister chu mipi masanga ngaidam akithum tokah social boycott kibol ding ahi tin jannia MANPAC Converner Yumnamcha Dilip in Imphal a Joint Committee on Inner Line Permit System (JCILPS) office Takhel Leikai a Thusoh miho ana kimupi na achun ana phongdoh in, chuleh Bill hi withdraw ahi tokah MANPAC in “one road indefinite mass agitation” achepi jing ding ahi danleh CAB withdraw ahi tohkah Prime Minister leh Home Minister boycott bol ding ding ahi dan jong thuphon ana bol uvin ahi.

Nitin Thusoh (Daily News)