Home News CAB boina hi politics a phatchompi nading ahi: Rights activist

CAB boina hi politics a phatchompi nading ahi: Rights activist

17
0

Guwahati, Feb 9: Citizenship Amendment Bill (CAB) boina hi politics thu toh kisai ahi, tin New Delhi khopi a um Rights & Risks Analysis Group (RRAG) director Suhas Chakma in aseiyin ahi.

Guwahati Press Club mun a ‘Meet The Press’ program a February nisim 8 ni a video conferencing a New Delhi khopi a kon thuso miho akimupi na’a Suhas in akisei amendment hin ‘status quo’ jong akhel pon chule refugee hon masang a kon ato boina jong asuhmang dehlou ahi, ati. Bill a hi clause thum bou um ahi, tin athusei hilchenna aneiyin chule CAB hin thil thah apohdoh umlou ahi, ati.

Clause masapen a hi Pakistan, Bangladesh leh Afghanistan a kon Hindu, Buddhist, Christian leh Sikh ho ngaijang (exempt) ding thu kisei ahi’in, ahivang a Pakistan leh Afghanistan gam a kon hunglut a Hindu hohi India lhumlam gamkaiya cheng uva citizenship ngehna anei uva, mu jong amu u ahi’in, hiche jeh a gamdang a hitobang amu theilou na diu thu umlou ahi, ati.

Clause ani channa a hi akinga nap hat (waiting period) hi kum 11 a kon kum 6 a kisunem ahi’in, 2007 kum a India gam a hunglut hon citizenship mu na ding’a apply abol thei ahi jeh a hiche hi alamdan na umlou ahi, tin aseiyin ahi. “CAB hi akichepi a ahileh 2012 kum chan a hunglut hon citizenship apply abol thei nadiu ahi’in, ahilouleh amaho phat hi aphat dungjuiya 2023 kum teng hithei ding ahi”, ati.

Clause athum channa a hi ‘Overseas Citizen of India’ card neihon dan apalkeh jeh a gotna kipeh na ahi’in, hiche hi OCI card holder ho kidemna thu suhtang na ding tobang ahi, tin rights activist pa in aseiyin ahi. “CAB a hi gam phabep a kon hou phabep akikah tilou adang thu thah umlou ahi’in, India gam a hung jam lut hon Pakistani Hindu hobang a citizenship apply abol thei ding ahi, tin Tripura gam mi Chakma in aseiyin ahi.

Cut off date a December 31, 2014 kikoi hi kimoh bol tobang ahi, tin Chakma in aseiyin chule hiche hi imadang ahipon, Myanmar military dictator Ne Win in achesa 1962 kum a coup aum jouva India gam-mi 3,00,000 vel anodoh laiya thipbeh a um Jawaharlal Nehru policy lolhing lou kichejom pi tobang ahi, ati. New Delhi in hiche phat laiya chun pan anala leh tua Myanmar Rohingya ho boina thu hi Bangladesh, India leh gamdang dang in apoh louding ahi, tin jong nelkalna aneiyin ahi.

Mizoram sorkar in Chin refugee 1,20,000 ho thu asei lou ahi’in chule Arunachal Pradesh sorkar injong Tibetan refugee ho ding’a program pat ding agot ahi. Agam a kon gimna athoh jeh a hung jamdoh hohi gal-jam kiti ahi’in, India in refugee law akoi phat ahi”, ati. Chule dan a kivaipo a gam khatcha in gal-jam ho umna ding mun apeh da thei ahipoi, tin aseibe in ahi.

Hijong leh gal-jam (refugee) hohi ahou chule akon nau a bungkhen ding ahipoi, ati. India gam a 80 khang a jon Sri Lanka Tamil refugee 1,30,000 val um a chule 90s khang a kon Chin refugee 1,20,000 um ahi’in, amaho hin citizenship mu na ding tohgon anailam u ahitai, tin Chakma in aseibe in ahi.

Source eimitime