Home News BETHESDA NURSING COLLEGE THU’A BOINA SUHCHAM HITA

BETHESDA NURSING COLLEGE THU’A BOINA SUHCHAM HITA

54
0

By. S Boilen Haokip
Nitin Thusoh Churachandpur Correspondent

Churachandpur Muolvaiphei a um Bethesda College & School of Nursing (Muolvaiphei Rural Health & Research Centre) a school authority jui dinga asem dan phabep dei louna jeha simlai 100 lang ana jamdoh nao thilsoh toh kimat in janni lha chun Churachandpur Police Station a Chinneihlam Gangte, Inspector, Women Police Station, CCpur jaonan, T. Paukhanlian, Chairman, ADC/CCpur; Lalhrillien, MDC/Saikot banah Nursing college nei Independent Church of India (ICI) lamkai holeh College Director jaonan kihou chamna ana um toh lhon in simlai jamdoh hochu anung lut kit taovin ahi.

Hiche hi school authority ho Dan abol dungjuia uva simlai ho check abol naova Dan in aphal lou thilphabep ana lahpeh uh lungkim lou jeh in GNM (2nd year) leh B.Sc Nursing student agom a simlai 68 vel nilha nidan 5:30 pm vel in ana jamdoh uvin, amaoho hol dingin GNM leh B.Sc Nursing (3rd & 1st year) simlai 100 vel ajamdoh ho hol dinga sol in aum uvin, hinla amao hongchu school authority natoh lungkim lou jeh in police station ana juon uve tin Nitin Thusoh Correspondent report chun aseiye.

Thilsoh toh kimat a janni a police station a kihouna achun school authority in simlai hochunga action khatcha alah lou diu leh simlai ho vanmat ana lahpeh houchu nungpeh kit dinga ana kiphasah utoh lhon in simlai hochu school bus mangchan akinung leh kit uvin, chuleh Bethesda College & School of Nursing Director chun ajamdoh simlai 68 ho nungkou kit ding in ana phongdoh in ahi.

Nitin Thusoh (Daily News)