Home News APRIL NISIM 1 NIA KON NAGALAND A KOHIMA-DIMAPUR HIGHWAY NI 45 KIKHAH...

APRIL NISIM 1 NIA KON NAGALAND A KOHIMA-DIMAPUR HIGHWAY NI 45 KIKHAH DING; “Pakala vadung galkaina ding umlou”

121
0

By. Jason Mimin Lhoujem & Elizabeth Lalam
Nitin Thusoh NE Correspondents

Phatsot tah akon mipi ngehna ana nei jing leh government in tohguon ana nei jing Nagaland a Kohima-Dimapur highway lampi kehletna ding natoh toh kimat a lhathah April nisim 1 nia kon a highway hi ni 45 sung kikhah ding ahi tin Sah-Solam Thusoh mangcha a Nitin Thusoh Correspondent report chun aseiye.

Thulhut in aseina achun Kohima-Dimapur highway lampi four-lane a kehletna na dinga Patkai bridge akon Kukidolong khogei natohna dinga jan nidan 10:30 pm akon jingkah nidan 5:00 am gei lha 3 sung natong ding company chun ngehna ana nei uvin, hinla government chun ni 45 sungbou ana phatsah uve ati.

Kohima-Dimapur highway lampi four-lane ding toh kimat a company chun Pakala river mountain tia kihe Pakala Muol chu bomb a kapkeh a ngai ding jeh a lampi chu kikhah ahi dan jong ana phondoh, bana hiche dinga mipin masang a kiguon tupna anei diuvin jong ngehna ana nei uvin ahi.

Lampi kikhah ding toh kimat in lhalui February nisim 21 nichun Dimapur Deputy Commissioner akon lekha thoh Commissioner of Police, Dimapur in ana mu chu DCP (Traffic), Dimapur hetsahna jong ana nei tan ahi.

Lampi dang/chom manchah ding jong Pakala vadung kikhah ding galkai theina ding dang umlou ahi dan jong thulhut chun aseibeh.

Hiche toh guon hin aphatseh a Dimapur a Traffic jam jeh a mitam tah in flights, buses leh trains ho ana laplel (miss) jing uleh thiltam tah suhlhap ahi ding tahsah aume.

Nitin Thusoh (Daily News)