Home News AKIPUIMANG BIPL WORKER HO TUNIA LHADOH AHI LOUVA LEH NH-2 A NIDAN...

AKIPUIMANG BIPL WORKER HO TUNIA LHADOH AHI LOUVA LEH NH-2 A NIDAN 24 BANDH BOL DING

37
0

NT||Local News

Friday, 08 March 2019

AKIPUIMANG BIPL WORKER HO TUNIA LHADOH AHI LOUVA LEH NH-2 A NIDAN 24 BANDH BOL DING

By. SP Haokip (Nitin Thusoh Senior Staff)

National Highway-2 lampi natong a um BIPL workers mi 3 NSCN (R) hon ana puimang uchu ni 2 sunga damtah a ahin lhadoh diuvin Kuki Inpi Kangpokpi (KIK) noiya Kangpokpi khopi sunga civil society organisations chom chom in gihna thuphon anei taovin ahi.

Hiche hi jannia KIK lamkaina a Kangpokpi CSOs in joint meeting ana nei naova BIPL worker kipuimang chu hatah a demna anei ban uva tuni Friday (March 8) geiya mipuimang ho damtah a ahin lhadoh lou uva leh NH-2 a March nisim 9 jankim akon nisim 10 jankim gei nidan 24 bandh bol dingin thulhutna jong ana nei uvin ahi.

KIK General Secretary Milun Lamminlun Singsit in aseina  natoh hoi leh kitup ding deina a road constructing agency BIPL ho venbitna hi Kangpokpi mipin agelkhoh in natoh hoina ding joint meeting jong ana kinei in BIPL in jong kitup tah in natoh anei in, koimah suhboi in aumpon, gamkaiyabum SoO noiya um galguhbol hon jong asuboi pouvin, hinla NSCN (R) ho worker ho apuimang uchu demna sangtah in ana nei bana damtah a phat tep sunga ahin lhadoh diuvin ngehna ana nei in ahi.

Nitin Thusoh (Daily News)